|
CARACTERÍSTICAS
DA VÍA DE ALTA CAPACIDADE DO MORRAZO
A seguinte descrición
corresponde ó último proxecto presentado no verán do 2000:
-
Lonxitude total,
Ponte de Rande-Gandón (Aldán) = 18,3 Km
-
15,650 Km de Corredor
(Calzadas separadas)
-
2,709 Km de Vía Rápida (Unha
única calzada)
-
Anchura total da
capa asfáltica:
-
Proxectada para unha velocidade de: 80 Km/h
-
Vía pechada
con control total de accesos. As conexións coa rede de estradas
da comarca queda reducida aos accesos das cabeceiras, Ponte de Rande e Gandón, e
ós intermedios de: Pombal, Broullón, Outeiro do Cruceiro e A Portela.
Resólvense
parte dos cruces cos viais existentes por medio de pasos superiores e inferiores:
As irregularidades
do terreo resólvense con viaductos, desmontes e terrapléns:
-
Superficie
que ocupa: 1.242.000 m2
-
A construcción
da vía afectará a un número indeterminado de edificacións.
(Non especifican) Recoñecen a expropiación de 1.040 m2 de
edificacións, segundo cálculos feitos sobre unha cartografía obsoleta. Hai
bastantes máis casas afectadas e incluso unha fábrica de conservas coa que non
contaban.
-
Quedarán tamén
afectadas, a disposición de futuras ampliacións da vía,
tódalas propiedades que queden a menos de 50 m do borde, por cada
lado da vía.
|
|
IMPACTO
DA VÍA RÁPIDA DO MORRAZO
Resumido:
-
Degradación
de toda a franxa costeira.
-
Afección a
ducias de camiños que quedarían cortados.
-
Excesiva ocupación
de terreo forestal e agrícola.
-
Alteración
grave do réxime de augas.
-
Alteracións
na paisaxe gravísimas e irreversibles,
-
Afección a
espacios naturais do Morrazo.
-
Impacto sobre o Patrimonio
Histórico.
-
Impacto sobre a poboación.
-
Custo económico.
Detallado:
Esta vía
rápida sería o principal atentado ambiental dos últimos
anos no Morrazo, tanto polas afeccións directas da vía como
polas indirectas que conleva, e quizabes definitivo para varios espacios
naturais xa bastante degradados.
-
Esta vía rápida
propiciaría a degradación de toda a franxa costeira, en especial
as zonas de praias, que non en balde son o principal atractivo turístico
do Morrazo. A zona de praias é limitada e a súa capacidade
de acollida a persoas e vehículos tamén. Non cabe proxectar
traer a milleiros de visitantes máis a pasar o día, sen antes
estudiar esa capacidade e ordenar os recursos e os accesos a eles en función
da súa conservación, pois doutro xeito estaríase a
matar a galiña dos ovos de ouro.
É fácil
decatarnos de que en zonas como a de Barra non collen xa os coches que
hai no veran. En poucos anos o máis importante ecosistema dunar
da provincia pódese convertir nun aparcamento. (Esto xa está
a pasar hoxe)
-
A vía rápida,
por cortar ducias de camiños, incluída a Ecorruta do Morrazo, roteiro de
longo percorrido homologado (G.R. 59), e polos danos ecolóxicos que
conleva, viría a hipotecar o desenvolvemento dun plano turístico
de futuro, baseado na promoción dos recursos naturais do Morrazo
e no sendeirismo, ademáis de limitar moito o uso social do monte
e os seus traballos tradicionais, producindo un maior desligamento entre
natureza e sociedade.
-
Produciríase
unha excesiva ocupación de terreo forestal e agrícola, aterrando
vales como o de Anguieiro en Coiro. Estas zonas son ecosistemas antrópicos
tradicionais do Morrazo fundamentais para soster as economías familiares,
ademáis de numerosas formas de vida de especies vexetais e aínda
animais.
A afección
forestal é importante, levando grandes extensións de bosque repoboado con
especies autóctonas, co esforzo de moitos anos de traballo dos comuneiros das
parroquias do Morrazo, ademáis de áreas de lecer situadas en fermosos e
tranquilos lugares, como a dos Lagos, en Carballal, Coiro.
-
As alteracións
na paisaxe serían gravísimas e irreversibles, recoñecendo
no propio proxecto o seu carácter crítico, e isto, a pesar
de que en todo momento tratan nese estudio de quitar importancia aos valores
estéticos e paisaxísticos do Morrazo. A obra movería
da orde dos 267 metros cúbicos de terra por cada metro lineal, o
que na práctica traduciríase en fortes desmontes e terrapléns
que provocarían unha longa fenda a media ladeira dos nosos montes.
A continuación pode
verse o corte que se daría ao monte do Castro Liboreiro en A Portela (Bueu).
Unha zanxa de 110 m de ancho por 80 m de fondo, cinco metros por detrás das
últimas casas de A Portela.
-
Con cortes coma este, especialmente afectado
veríase o réxime hidrolóxico, tanto das augas superficiais
como das freáticas, ao cortarse o seu fluxo natural.
 
Isto, por unha
banda, faría baixar o nivel dos pozos, fontes e mananciais, podendo
chegar a secalos no verán.
E por outra,
ao encauzar todalas augas que corta, ademáis das que recolle a propia
vía, e conducilas aos pequenos ríos existentes, aumentaría
a posibilidade de provocar riadas e asolagamentos nas zonas baixas.
(Ver en detalle)
-
Tres espacios naturais
do Morrazo que a Xunta inventariou no seu día como espacios protexibles,
xunto con outros 61 do resto da Galiza (Caurel, Ancares, Caaveiro,...),
e que en teoría teñen xa unha protección, veríanse
fortemente alterados pola vía rápida. Estamos a falar do
dunar "Nerga-Barra", dos "Montes do Morrazo" e do "Carballal de Coiro",
a maior carballeira costeira das Rías Baixas. E non queda aí
a cousa. Tamén arrasa zonas como o Río da Fraga ou a Poza
da Moura, uns dos principais referentes paisaxístico-culturais do
Morrazo.
-
Impacto sobre o Patrimonio
Histórico. Afecta a 20 xacimentos arqueolóxicos. Castros (Montealegre,
As Cidades), petroglifos (Devesa de Abaixo, As Abelaires,...), xacimentos, muíños,
etc.
-
Impacto sobre a poboación.
Destrucción de vivendas e anexos, ocupación de solo agrícola,
desvalorización de terreos, dificultades de comunicación.
|
|
¿SABÍAS
QUE ...
... a vía "rápida"
do Morrazo está proxectada para unha velocidade de 80 kilómetros
por hora?
... a distancia entre Cangas
e a Ponte de Rande pola vía rápida, serían 17 kilómetros,
mentras que pola C-550 son 14 kilómetros?
... os prezos establecidos
para expropiacións son de 700 pesetas o metro cadrado de terreo
agrícola, e de 400 pesetas para o forestal?
... a superficie ocupada
no Morrazo pola vía rápida, sería semellante á
de 174 campos de fútbol reglamentarios?
... con toda a terra (e pedra) que
sacarían, se a botaran dentro do Estadio
de Balaídos, acadaríase a altura dun edificio de 70 pisos?
... os petroglifos de A Borna, As
Abelaires,... que soportaron o paso de máis de 3.000 anos de historia, desaparecerían por
imperativo do "progreso"?
... con esta obra deixarían
máis de vinte camiños cortados?
... a causa da construcción
de obras semellantes, as persoas dos lugares situados por debaixo (Teis,
Beade, Bembrive, Carballo, ...) veñen sufrindo riadas e inundacións
nunca antes ocurridas?
... pretenden gastar máis
de 10.000.000.000 (dez mil millóns de pesetas), nunha estrada de 24 metros de ancho, cando a maior parte das que temos que usar a diario,
malamente pasan dos 4 metros?
... a autoestrada que a
Xunta construiu entre A Coruña e Carballo, costou un 50% máis
do previsto ? ¿Canto acabaría costando esta?
... hai solucións
para mellorar o tráfico, que repercutirían nun mellor servicio
para todos os habitantes da comarca?
|
