Arquivos da etiqueta: Regata

Regata Open de Inverno 2009 – Primeira proba.

Publicado o por
Responder

17 de xaneiro de 2009

A tarde presentábase un tanto estraña polas predicións contraditorias que daban as distintas fontes consultadas.

Pasadas as tres da tarde preparábase unha proba con saída cara Lousal dado que o vento establecido era do ESE, vento que cae momentos antes da saída obrigando a izar gallardete de aprazamento. Media hora máis tarde móntase de novo a liña de saída pero en dirección contraria xa que o vento que entra ven de SO.

O percorrido do día lévanos a Tofiño (Eb), Vigo (Bb), Rodeira (Bb) e chegada en Vigo, facendo un total de 8,5 millas. Na saída rola o vento a Sur tendo que facer unha virada na liña e saír amurado a babor. O Balea Dous mantense neste tramo no grupo dos máis directos rivais, Maracaná, Reira, Arroutado, entre outros, pero á altura de Bouzas cae a brisa que estaba levando bastante rápida á flota e hai un parón xeral. Os barcos buscan avanzar, uns cara o medio da ría, outros cara o dique de Bouzas agardando que por algún lado se levante unha brisa. E a brisa levantouse, aínda que máis que brisa, vento frescachón do Sur, rolón e racheado, e nuns instantes o anemómetro pasou de 0 a 18.

Foi o momento decisivo da regata pois aos que primeiro entrou o vento levounos a distanciarse do grupo e ao revés. Aquí o Balea non tivo sorte e veuse superado no paso de Tofiño por gran parte dos barcos do seu grupo. Pouca historia houbo máis. O tramo a Vigo era complicado pois un vento rolón e racheado que entraba entre os 60º e 90º, facía un rumbo difícil para facer con spí e demasiado tranquilo para ir coa xénova.

Crónica do RCN Vigo

Regata Interclubs 2008 – Trofeo Porto de Vigo – Cuarta etapa.

Publicado o por
Responder

Sábado, 13 de decembro de 2008

4ª Etapa: Cangas-Vigo.

O día para esta última proba do X Trofeo Porto de Vigo preséntase cunhas características moi similares ás da anterior proba de hai dúas semanas. Situación de Noroeste con chuvascos, aínda que nesta ocasión o vento está máis estable, oscilando entre os 15 e os 22 nós, polo tanto unhas condicións excelentes para a regata, salvo polas constantes variacións de dirección, típicas deste vento.

A saída móntase nas inmediacións da boia de Rodeira, para facer un tramo de desmarque rumbo a Cangas para logo de virar a baliza por babor, tomar rumbo a Tofiño, Vigo, Salgueirón e chegada en Vigo. 9,4 millas en total que a maior parte da flota realizou entre hora e cuarto e hora e media.

Para o Balea Dous a regata presentábase tranquila e sen moita emoción, pois aínda facendo un mal posto, poderíase descartar, mantendo cos resultados das anteriores probas o terceiro posto da clase. Acadar o segundo, estaba, salvo debacle, fóra do alcance. Así pois, o obxectivo era disfrutar dun bonito día de navegación e tratar de facelo ben.

A saída non é boa, e neste caso non hai escusas, toda a responsabilidade é do patrón. Con isto de que a saída é na casa, non chegamos con tempo de poder situármonos axeitadamente e hai que saír a sotavento da flota, con boa velocidade pero perdendo barlovento por ir recollendo vento sucio ademais dunha rolada desfavorable. Mellorar a posición facendo unha virada non é posible cando levas ao teu barlovento unha vintena de barcos lanzados e con preferencia. Estaba claro que na baliza de desmarque non iamos estar cos de cabeza.

De aí a Vigo, virando en Tofiño, quedaban dous tramos de través onde o único que se podía facer era sacar o máximo de velocidade ao barco, e non se fixo mal, pois viramos a baliza de Vigo pisando os talóns a Arroutado, Iumar e Baltea. A estes tres xa os tivemos pola popa tras virar Salgueirón.

De Salgueirón a Vigo, unha empopada con spí e vento fresco. Man a man co Arroutado que esixe a máxima atención, pois con ese vento e as roladas continuas, entre o 110º e o 150º, o mínimo despiste pode dar con todo o aparello no mar, e non precisamente para coller unha boa pesca. O barco colle puntas de nove nós e medio e non baixa de oito mentres deixa unha mar branca tras de si. Unha gozada que durou, o pouco que tardou en achegarse a liña de meta.

Chegada en terceiro lugar da clase, que será cuarto en tempo corrixido, pois ao Arroutado hai que sacarlle bastante máis dos trinta segundos que conseguimos afastalo neste último tramo.

Remate das regatas de Outono, remate deste X Trofeo Porto de Vigo, no que o Balea Dous, do Náutico Rodeira, acada a terceira praza da Clase Cruceiro-Regata. Un novo podio, e xa van seis ocasións consecutivas, nas que a tripulación de Cangas coloca nos Taboleiros de Honra o nome do seu barco, do seu Club e da súa vila.

CLASIFICACIÓN PROBA 4-CLASE CRUCEIRO-REGATA.-
CLASIFICACIÓN FINAL-CLASE CRUCEIRO-REGATA.-
CLASIFICACIÓN FINAL TOTAL.-
FOTOS


 

Regata Interclubs 2008 – Trofeo Porto de Vigo – Terceira etapa.

Publicado o por
Responder

Sábado 29 de Novembro de 2008
3ª Etapa: Vigo-Cangas

Día que se presentaba incerto e difícil para regata xa que a situación de Noroeste con chuvascos pode complicar bastante as cousas pola inestabilidade e variacións repentinas de vento e precipitacións.

Dirixímonos cara a liña de saída, situada na zona de Guixar, e xa no traslado desde Cangas comprobamos as diferentes situacións de vento que se suceden en media hora. Achegándose a hora de saída, 15,30 h., o vento vai aumentando de xeito que a falta de vinte minutos, xa hai puntas de máis de vinte nós. Decidimos meter un rizo na maior e montar o foque 3. Nas primeiras probas de velas, vemos que a elección parece acertada. O barco ten velocidade, a escora é asumible e pódese manobrar sen dificultade.

Anúnciase o percorrido: Saída, Salgueirón (Bb), Tofiño (Bb), Vigo (Bb), Salgueirón (Eb), Cangas.

Comeza o procedemento de saída coa bandeira de preparación a cinco minutos, momento en que o vento comeza a arreciar con máis forza, chegando a 34,8 nós, Forza 8 na Escala Beaufort. O mar ponse branco, moitas das embarcacións de vela lixeira que adestraban nas proximidades volcan, dando no mar cos tripulantes que con dificultade aférranse aos cascos. A nosa saída estaba lanzada e algúns barcos atópanse con dificultades polo excesivo trapo con que os pillou o vendaval.

No Balea Dous buscamos posición para saír procurando evitar complicacións. A cousa non está para pelexar por un posto preferente na liña. Saímos por detrás da flota, algo retrasados por unha complicación na última virada, pero navegamos con seguridade e imos recuperando.

Pola zona de Rodeira, o vento cae o que obriga a facer cambios de velas. Maior a tope e xénova medio. Viramos Salgueirón adiantando aos Clase Cruceiro e enfilamos Tofiño cun vento do través que se mantén nos vinte nós de intensidade, rumbo e vento que se manterá ata Vigo tras trasluchar en Tofiño. O tramo faise rápido, con puntas de 9,2 nós de velocidade. Hai que cambiar de vela de proa antes de virar en Vigo pois agarda outra ceñida con vento forte.

Na ceñida a Salgueirón xa estamos a barlovento do Trasto e andando máis, ata que cae o vento pouco antes da boia. Obríganos a facer outro cambio de xénova mentres se nos escapa o Trasto que ía con máis trapo.

Ao final, non fixemos un bo posto, quintos da clase, pero si que rendibilizamos o día pois amarramos o terceiro posto da clase xa que os que nos poderían remover do posto, Palanquín e Reira, víronse obrigados a retirar. Tras esta proba asentámonos na terceira praza aumentando a nove puntos a diferenza co cuarto.

Queda a última proba, 13 de decembro, na que deberemos saír non só a conservar o posto terceiro, senón a intentar saltar ao segundo que se ben está difícil, non é imposible.

CLASIFICACIÓN DA 3ª PROBA:

CLASIFICACIÓN XERAL DA CLASE:

CLASIFICACIÓN XERAL GLOBAL:



 

 

 

 

 

 

 

 

 

 

 

 

 

 

 

Fotos de www.rcnauticovigo.com

Regata Interclubs 2008 – Trofeo Porto de Vigo – Segunda etapa.

Publicado o por
Responder

Sábado 22 de Novembro de 2008

 2ª Etapa: Bouzas-Vigo

 Preséntase un día interesante, con un vento de Norte que anda entre os 15 e 20 nós, antes da saída. Móntase a saída diante do Berbés para facer o percorrido número 1 das Instrucións de Regata: Saída, Lousal (Eb), Vigo (Eb), Rodeira (Bb). Vigo.

 Máis de trinta barcos en liña de saída, o cal dado o vento, fixo andar moi atento ás preferencias para evitar colisións e buscar unha boa posición.

O Balea Dous sae amurado a estribor pola dereita da liña axustado en tempo e limpo de velas collendo pronto boa velocidade. Neste primeiro bordo pasa pola proa a varios rivais de clase ademais de outros barcos máis grandes. Pronto hai que tomar decisións. Continuar co bordo a estribor e facer a subida a Lousal pola costa de Moaña ou virar e facelo pola costa de Vigo. En principio facemos un par de bordos polo centro da ría pois van connosco varios barcos da clase e deberemos evitar que os grandes, aproveitando o día de vento, nos saquen moita vantaxe. Un par de cruces axustados co Palanquín, Arroutado e Reira, ata que prolongamos máis que o resto o bordo norte, que sae ben e escapamos do Palanquín, ao que xa non volveremos a ver, e do Arroutado. Polo momento saímos ben do bordo norte, por diante dos que escolleran a mesma opción. Faltaba saber como lles fora a regata aos que navegaron pola parte sur, e iso veriámolo ao entrar no estreito da Guía onde nos xuntariamos todos.

 Dous barcos, Maracaná e Trasto, coláronse diante polo bordo sur e entramos nunha zona onde sempre que hai nortada, as roladas e as rachas son caprichosas e poden facer que en menos dunha milla perdas ou gañes a regata. Tivemos a sensación de que polo norte había menos vento, por aí ían Arroutado e Reira, así que continuamos polo sur ata que deu a virada para Lousal. No cruce cos que fixeran pola outra banda, aínda pasamos por diante, así que a opción non foi mala.

 Virada en Lousal ao tempo que Arroutado, e subida de spí para ir ata Vigo. Escoitamos un golpe seco e ao ver cara atrás, vemos ao Reira e ao Davila enganchados. Non sabemos que tipo de manobra provocou o incidente, xa que estabamos atarefados coa nosa manobra de izado de spí.

 Na empopada pasamos ao Arroutado e viramos boia de Vigo tras do Trasto. Rumbo a descuartelar ata Rodeira, tramo no que mantemos disputa pola posición co Trasto que amosando unha boa velocidade a este rumbo consegue entrar na boia con interior. O tramo final ata Vigo é outro descuartelar un pouco máis pechado, podendo nós aquí pasar ao Fortuna e reducir distancia co Maracaná.

 A entrada en meta faise por esta orde: Maracaná, Balea Dous, Trasto, Arroutado.

 Trala entrada o Comité de Regata comunica que hai varias protestas presentadas nas que aparecen implicados o Maracaná e o Reira. Agardaremos á publicación das clasificacións para saber como quedou a regata.

…………………….. ………………….. …………………….. ………………….. …………………

Coa corrección de tempos a clasificación da etapa quedou como segue:

Quedando a Clasificación Xeral tras as dúas primeiras probas do seguinte xeito:

Regata Interclubs 2008 – Trofeo Porto de Vigo – Primeira etapa

Publicado o por
Responder

1ª etapa. Sábado 15 de Novembro.

A primeira etapa desta Interclubes da Ría de Cangas, sae de Vigo e ten chegada en Bouzas co seguinte percorrido: Saída, Tofiño (Eb), Bouzas (Bb), Salgueirón (Bb), Tofiño (Bb) e chegada en Bouzas.

Interesante o número de barcos que se xuntan na saída, uns trinta. Na nosa clase teremos que controlar a Arroutado, Palanquín e Trasto (Fortunas), Reira e Baltea (35.5), Airola e Iumar (First 31), como os máis perigosos dos doce que somos. Curiosamente, ao ver as clasificacións enterámonos de que o Baltea entra na clase superior. Ao Reira e ao Baltea, barcos xemelgos, colleulles o corte das clases, a un, un segundo arriba e a outro, un segundo abaixo. O mellor é que o que máis anda, comprobado na práctica en todas as regatas celebradas, entra no grupo dos lentos e viceversa. Misterios dos sistemas de medición aos que xa estamos acostumados.

Sorprendeunos a entrada dunha brisa duns 8 nós de W, cando a previsión era moito máis pesimista, o que permitiu un ritmo alegre, con roladas por ambas marxes da ría que obrigaron a ir moi atentos para non perder a regata nun bordo excesivo. Estas roladas marcaron xa as posicións na primeira ceñida. O Balea negociou axeitadamente os rumbos deixando xa atrás a Airola, Iumar, Palanquín e Trasto entre outros. No tramo de popa de Tofiño a Bouzas fomos achegándonos aos de diante amosando moi boa velocidade con spí. Nova ceñida de Bouzas a Salgueirón onde foi determinante prever de lonxe a rolada que había no final do tramo e buscar a mellor posición para afrontar o cambio de vento. Deste xeito o Balea pasou ao Reira e ao Baltea, a este na mesma boia de Salgueirón.

Xa só quedaba por diante o Arroutado e así seguiría ata o final.

 

Clasificación 1ª Etapa-Clase Cruceiro-Regata:

1.- Arroutado

2.- Balea Dous

3.- Palanquín

4.- Trasto

5.- Reira

Balea Dous regresando a porto trala regata.
Rematada a regata a tripulación amósase satisfeita da tarde de navegación.

Regata de entreno

Publicado o por
Responder

REAL CLUB NAUTICO DE VIGO
CRUCEIROS ORC
REGATA ENTRENO

PRE-INTERCLUBS PORTO DE VIGO
Sábado 8 de Novembro de 2008 – Percorrido costeiro

DIVISIÓNS PARTICIPANTES: Serán a base para o Trofeo Porto de Vigo

División ORC REGATA
Barcos cuxo GPH está entre 490 y <618 sg/milla

División 0RC REGATA / CRUCEIRO
Barcos cuxo GPH está entre 618 y <662.5 sg/milla

División ORC CRUCEIRO / REGATA
Barcos cuxo GPH está entre 662.5 y <720 sg/milla

División ORC CRUCEIRO E EXTRA
Barcos cuxo GPH está entre 720 y <790 sg/milla

      ————————————– 

CRÓNICA DO DÍA

Previa, 08/11/08

Levabamos xa moito tempo sen competir e a tripulación xa tiña mono de regata, así que non perdemos a oportunidade. O Náutico de Vigo convocou unha regata de adestramento, previa á serie do Porto de Vigo, e alá fomos sen máis interese que navegar de novo en equipo e facelo en compañía doutros barcos, pois o Balea aínda non estaba en condicións óptimas para a regata. Aínda con parte do equipamento de verán e coa obra viva en moi mal estado, tan malo que ata a motor custáballe moverse. Era o de menos. Agradecemos a convocatoria e quedamos para facer a primeira saída da tempada.

De seguido comprobamos o pouco que andabamos. Na saída o Menudeta pásanos por sotavento coma se foramos un zapato aboiado e sen deixarnos repoñer o Iumar por barlovento e tripulado en solitario por Rui Peixoto. Empezamos ben!

Así que os nosos esforzos foron todos a conseguir non selo faroliño do pelotón.

Non iamos mal, loitando co Furaventos e o Fecht, que por certo, saíra dez minutos tarde, cando por diante do Peirao de Trasatlánticos, xa chegamos ao colmo da lentitude. Cun aparente de 14 nós, o barco escorado e andando 2 nós. ¿Que pasou? ¿Escarallamos a corredeira? Pois non, o barco non anda e fai pola popa uns remuíños raros. Pasou por alí o monitor dos 420 na zodiac e lle pedimos que vira se levabamos algo no timón. Non, no timón non, pero mirando ben,…. puff, o que levades na orza! ¿Que é? ¡Unha rede ou algo así!

Pois nada, aproar, parar o barco a ver se baixa. Nin con esas. E o Independence of the Seas que quere saír pero o Balea está parado e facendo cousas raras ao seu costado. Hai que arrancar motor e dar marcha atrás, e ao pouco vemos un gran plástico azul que segue o seu camiño entre augas.

Impresentable o estado de limpeza desta ría. Moito gabarse de que recalan os maiores cruceiros do mundo e logo navegamos entre plásticos, caixas aboiadas ou troncos, ás veces nada desdeñables.

¡E que non se che ocorra protestar nin moito menos a insubmisión de deixar de pagar as “equiscincos” e demais taxas que pagamos supostamente polo uso dunhas augas limpas e seguras!

Aaaah! Tempos aqueles en que os piratas andaban polo mar e subían a bandeira negra cando te ían asaltar! Xa se perderon as maneiras!
Ao regreso a porto, entrada dunha fronte que decargou toda a noite.
De regreso a porto, entraba unha fronte que descargou abundante chuvia toda a noite.

Trofeo Vila de Bouzas – 2008

Publicado o por
Responder

O BALEA DOUS remata a tempada subindo novamente ao podio.

28 de xuño: Percorrido costeiro.

Ás 16 h. dase a saída fronte ao peirao de Bouzas para dirixirse a Bondaña e volta, con pasos por Rodeira (Er) e Tofiño (Br). Vento frouxo de SW.
Saída algo retrasada do Balea Dous que neste primeiro tramo ata Bondaña non atopa o se punto optimo de velocidade. O vento está moi raro habendo pozos onde quedabas clavado, ao lado de corredores por onde te podías escapar dos barcos próximos. Parte da frota fai o bordo de Samil mentras o Balea segue rumbo W polo medio da ría ata entrar nun vento fresco que rola á dereita. Ao virar o Balea ten na proa a baliza de Bondaña e deslízase rapidamente cara ela. Neste bordo xa pasa pola proa aos barcos do bordo de Samil. Virada en Bondaña e empopada con rumbo a Liméns levando só catro barcos pola proa. Non está clara a opción do norte polo que faise trasluchada no medio da ría para poñer rumbo a Bouzas, seguindo ao Menudeta que acababa de escoller esta opción e na que se ve que porta mellor o spí que aos do norte. Neste rumbo foise agrandando a distancia coa frota que precedía, mentras todos insistían na opción norte. A vantaxe collida xa foi insalvable, facendo un primeiro posto folgado.
5 de xullo de 2008 : Barlovento-Sotavento.
Regata con vento fresco que favoreceu aos barcos grandes e non deu opción ao Balea para defender o primeiro posto da primeira regata.
Sin máis historia acabou o Trofeo Vila de Bouzas con outro segundo posto para o Balea Dous.
A destacar o bo ambiente que se vive nesta regata da vila mariñeira de Bouzas, e a boa organización do Liceo Marítimo. A sardiñada á veira do mar, acompañada de boa empanada, e todo regado con viño e cervexa a discreción, deixou moi bo sabor de boca.
Clasificación final: 1º Reira, 2º Balea Dous, 3º Baltea.

XVI Regata Guardiamarina – 2008

Publicado o por
Responder

31 de maio de 2008 – CRÓNICA DA REGATA DO BALEA DOUS:

O Balea Dous gaña a etapa. O sabado 31 de maio, ás 13 horas deuse a saída cun vento norte duns 8 nós. Saída do Balea axustada no tempo polo centro da liña, non ben situado polo que de seguido queda tapado por barcos máis grandes e vese obrigado a dar un bordo que non desexaría, pero debe saír do vento sucio que lle deixan.

Ceñida ata boia de desmarque que o Balea Dous vira nunha posición intermedia da frota. Izado de spí e rumbo á Borneira con vento que vai caendo pouco a pouco. Á altura da Punta Rodeira hai que arriar spí. Vento caendo a cero e rolando a NW. A frota desperdigada pola ría, uns pegados a Rodeira, outros máis a Bouzas.

Pasada a baliza de Rodeira, Balea fai un bordo a terra, cara a Salgueirón que pronto da bos resultados pois hai unha brisa moi por terra que fai saír rápido cara á Borneira mentras o resto da frota segue aboiada por distintas zonas da ría. Esta brisa mantense e permite navegar a un descuartelar pegados ás bateas rumbo a Subrido,  e abrindo un gran oco con gran parte da frota que aínda agarda a entrada do vento. Por proa un par de barcos grandes e o Unus que tamén entrou no vento.

Costa de Soavela a un descuartelar e spí entrando na ría de Pontevedra ata a chegada en Marín, que se fai en primeiro lugar da clase e un dos primeiros da xeral.

A clase queda así: 1º Balea Dous, 2º Guanche e 3º Pipo.

1 de xuño de 2008 – CRÓNICA DA REGATA DO BALEA DOUS:

Oportunidade perdida para o Balea Dous.
Pouco vento na saída da etapa de volta, do domingo 1 de xuño, que obriga aos consabidos aprazamentos da ría de Pontevedra.

Dase a saída cunha lixeira brisa de WSW. O Balea Dous debe tratar de que o Pipo non se lle escape moito, é un 37’. Quedando detrás del, está asegurado o primeiro posto. Trátase de non deixalo ir, pero a sorte hoxe non acompaña, e o Balea queda nun pozo de vento a cen metros detrás do Pipo, mentras este entra no vento e comeza a súa escapada. Cando chega o NW, o Balea atópase polo sur da ría e tamén detrás do Guanche que entrou antes no vento pola zona norte. Mantense o vento ata Vigo co cal xa non queda posibilidade de recuperar.

A chegada en Vigo é: 1º Pipo, 2º Guanche e 3º Balea Dous.

Unha clasificación final con triple empate a puntos, que se resolve a favor do Pipo, primeiro, e Balea Dous, segundo, polo valor dos primeiros conseguidos na etapas.

 

 

 

 

 

 

 

 

 

 

 

 

 

 

 

 

 Starfighter, Opecén y Pipo, vencedores de la XVI Regata Guardiamarina de Cruceros

04 junio 2008 10:47:40
Magníficas condiciones meteorológicas las que tuvieron los participantes en la XVI Regata Guardiamarina de Cruceros que organizaron durante este fin de semana la Escuela Naval Militar de Marín y el Real Club Náutico de Vigo.
El sábado en la travesía de Vigo a Marín, con un total de 20,7 millas y con un viento del Noroeste fuerza 3-4 de componente general, se impuso en la División 570 el “Starfighter” (First 40.7 – Julio Rodríguez – RCN Vigo) tras acercarse gracias a un pozo sin viento cerca de la llegada al “ETEA” (Corel 45 – Fernando Cominges – CNR Marín) que había comandado la flota hasta ese momento. En la clase 670 se llevó este primer parcial el “Opecén” (Grand Soleil 37 – Javier Puertas – CN Portosín) seguido del “Galicia Xove-Caixanova” (X 37 – José Lis – FG Vela) y tercero un magnífico “Cormorán O5” (First 36.7 – José L. Escudeiro – MRCY Bayona). Y en la Clase Open B, victoria del “Balea Dous” (Sun Fast 32i – Luis Pérez – CN Rodeira) seguido del “Guanche 3” (Puma 26 – Francisco Cominges – RCN Vigo) y el “Pipo” (Sun Fast 37 – Melchor Barja – MRCY Bayona).
El domingo en la etapa de vuelta a Vigo, poco viento al principio pero después resultó rapidísima con unas condiciones casi idénticas a las del día anterior para hacer una distancia esta vez de 19,2 millas. En ORC 570 nuevamente ganó el “Starfighter”, mientras que en la 670 ganaba también como el día anterior, pero esta vez más ajustadamente, el “OPECEN” seguido del “Galicia Xove-Caixanova” y el “Menudeta” (Sun Legende 41 – Victor Carrión – RCN Vigo).  Por último, en la Open B se impuso el “Pipo” seguido del “Guanche 3” y “Balea Dous”. 
La general final quedó de la siguiente manera: 
ORC 570 + OPEN A:
1º) STARFIGTHER con 2 puntos
2º) ETEA con 4 puntos
 ORC 670 :
1º) OPECEN con 2 puntos
2º) GALICIA XOVEN CAIXANOVA con 4
3º) MENUDETA con 7
4º) CORMORÁN 05 con 8
5º) UNUS con 9 puntos
OPEN B :
1º) PIPO con 4 puntos
2º) BALEA DOUS con 4 puntos
3º) GUANCHE 3 con 4 puntos
4º) PESCAMAR SEMANA NAVAL con 8 puntos
5º) MARGEM DO AZUL con 11 puntos.

Trofeo Marisquería Bahía – 2008

Publicado o por
Responder

1 de marzo de 2008 – CRÓNICA DE REGATA: Despois de máis de dúas horas e media de regata, o Balea Dous acadou entrar primeiro en tempo real da categoría Cruceiro-Regata Two na cuarta etapa da Regata Marisquería Bahía.

A pesar da inestabilidade do vento en canto a intensidade e dirección, puido darse una saída válida ás 15:15, con un recorrido formado por unha boia de desmarque nas proximidades da praia do Con, baliza de Bondaña por estribor, Subrido por estribor, porta en Salgueirón e chegada en Vigo.

Nos primeiros compases da proba o equipo do Balea Dous veuse sometido a unha operación de acoso e derribo ;-) por parte dos integrantes mais ilustres da flota do Liceo Marítimo de Bouzas: Reira, Baltea e Arroutado, pero isto foi solventado con eficacia na táctica e precisión nas manobras para poder montar a baliza de Subrido por diante do grupo atacante, xa con certa vantaxe. Un último bordo se sobresaltos cara a liña de chegada permitiu chegar en primeira posición en tempo real da clase, o cal garante a segunda en tempos compensados, de maneira que o Balea Dous afiance o segundo lugar na calsificación xeral en caso de haber descartes.

7 de marzo de 2008 – PREVIA DE REGATA: Todo listo para a 5ª regata do Trofeo Marisquería Bahía 2008. A previsión é de ventos do Oeste, con intensidade de 5 a 6 nós. De darse estas condicións, será posible unha regata costeira, na que, ante a falta de presión do vento, teremos a que nos poñan os contricantes en busca do apreciado segundo posto na xeral, xa que o primeiro é inalcanzábel, en mans do Aroutado II. Atentos a proba de hoxe, a partir desta regata poderá descartarse o peor resultado, polo que se poden dar sorpresas na xeral.

9 de marzo de 2008 – CRÓNICA DE REGATA: Rematada a 5º proba do trofeo Marisquería Bahía, que permite facer un descarte do peor resultado acadado. O excelente posto acadado polo Balea Dous permite que se consolide o segundo posto na clasificación xeral.

O percorrido consistiu nunha regata costeira saíndo de Vigo, con paso polas balizas de Rodeira, Vigo, Salgueirón e chegada en Vigo, compoñéndose de dúas ceñidas e dúas popas. A regata do Balea Dous estivo centrada nunha férrea marcaxe do Reira, principal opositor á segunda praza na xeral. Na primeira ceñida, xa dende a saída, consegue situarse a barlovento do rival e dende aí a marcaxe consistiu en manterse diante e non deixar que se fora por rumbo diferente que lle puidera proporcionar algún role favorable.
Na boia de barlovento pasa o Schtroumpf en cabeza seguido do Furaventos e Baltea, que collera un role bo polo sur. A continuación, Balea Dous mantendo a distancia suficiente ao Reira e máis retrasado o Arroutado, perxudicado polo seu bordo norte. Na empopada mantéñense as posicións pero co Balea aproximándose aos de diante, de forma que virada a boia de sotavento, alcanza ao Baltea e vai tras do Furaventos. Na segunda virada en barlovento, pasa Schtroumpf destacado e o Furaventos co Balea á súa popa, quedando os tres do Liceo bastante descolgados. A caída do vento na última popa do percorrido fixo que a regata rematase con algo de tensión. O Arroutado fixo valer a súa velocidade nestas condicións e o Balea mantivo o control sobre o Reira que se achegou e pasou diante xa nos últimos metros pero sin diferencias de tempos que impediran que o Balea Dous se fixera coa terceira praza na etapa, distanciando xa en 4 puntos ao seguinte clasificado na xeral.

15 de marzo de 2008 – PREVIA DE REGATA: Nunhas horas todo quedará sentenciado coa última proba do trofeo Marisquería Bahía. Cunha previsión de 14 nós do oeste-suroeste, ao Balea Dous bástalle rematar puntuando nesta regata que consisitirá nun barlovento-sotavento, probablemente marcado pola choiva, para conservar o segundo posto na xeral, e aportar unha nova presa ao palmarés do equipo.

15 de marzo de 2008 – CRÓNICA DE REGATA: Cumpriuse o previsto. Celebrada a última proba do trofeo Marisquería Bahía, o Balea Dous fixo valer a súa condición de favorito ao segundo lugar da clase Cruceiro Regata-Two. Unha regata barlovento-sotavento, marcada pola ameaza de choiva e un vento duns 20 nós de intensidade e de dirección oeste. Das condicións da saída da unha idea o feito do incidente no Deporte Galicia, cun home ao mar e desprendimento do balcón de proa e candeleiros da banda de babor, na mesma liña e instante da saída. De inicio marcou un aspecto importante, a configuración de velamen elexida por cada barco. O Balea e o Arroutado saían cun rizo na maior e un xénova dous, mentras o Reira saía cun xénova tres e maior a tope.
A primeira ceñida entre estes tres barcos foi bastante igualada montando barlovento, Arroutado, Reira e Balea, por esta orde pero sen significativas direrenzas. Na empopada o dilema era si xogala co spí ou non, dada a intensidade do vento e a curta distancia do tramo. O Arroutado izou spí e realizou un tramo perfecto distanciándose algo máis dos Reira e Balea que sen spí mantivéronse á par ata a boia de sotavento. A segunda ceñida encárase cunha pequena reducción de vento e rolada á dereita, feito aproveitado polo Balea que escolle bordo norte e supera xa no primeiro cruce ao Reira, e alcanza ao Arroutado na boia de barlovento. Na segunda empopada, xa con vento máis manexable, spís arriba e rápida baixada, manténdose as posicións na chegada: 1º – Arroutado, 2º – BALEA DOUS, 3º – Reira.

Finalizada a tempada de inverno na ría de Vigo, cun Balea Dous sempre no podio e en progresión ascendente, á proxima cita será nas augas de Baiona, no trofeo Ramada Storax.

Crónica en Masmar

IX Trofeo Porto de Vigo. 2007.

Publicado o por
Responder
«ALBARIÑO AS LAXAS», «CORMORÁN O5″, «ARROUTADO» Y «DEEP BLUE» VENCEDORES
POCO VIENTO EN LA ÚLTIMA ETAPA DE LA REGATA PORTO DE VIGO DE CRUCEROS
 
 El pasado sábado se disputó la 5ª y última etapa de la Regata Interclubes IX TROFEO PORTO DE VIGO que a lo largo de estos dos últimos meses del año han venido organizando los Clubes de la Ría de Vigo con el patrocinio principal de la Autoridad Portuaria de Vigo.
Muy poco viento para esta ocasión.  El recorrido a realizar consistía en salida desde las inmediaciones del puerto de Cangas con desmarque si fuese necesario, baliza de La Guía, Paso por Vigo, Torre de Cabo de Mar en Alcabre, y llegada frente al puerto deportivo del Real Club Náutico de Vigo.  De todas formas y dado el poquísimo viento existente durante la tarde, el Comité una vez dada la salida decidió acortar el recorrido en el primer paso por Vigo, de forma que finalmente la Etapa tuvo una distancia total de 4,6 millas, y menos mal, porque la mitad de la flota incluso no llegó en tiempo límite.
La salida, de todas formas puntual, fue a las 15.30 con una ligera brisa del Suroeste que nunca llegó a pasar de los 6 nudos, lo que provocó que la dirección no fuese en muchos momentos estable, con cambios constantes a un lado y otro de casi 30 grados.
Buena partida inicial del «AS LAXAS» y «SAIL WAY».  Éste último, por cierto, con ilustres navegantes a bordo como Chuny Bermúdez o Marcelo Tossa….y como decíamos, muchos altibajos y cambios durante la regata debido a la inestabilidad del viento, aunque finalmente la global en tiempo compensado de la etapa se la llevó «AS LAXAS» , lo cual le valía para ganar la general final de la división Regata, con casi un minuto de diferencia sobre el «SAIL WAY», siendo tercero a casi dos minutos el animoso «ARROUTADO II» que pese a su eslora siempre ha estado ahí y ratificaba su triunfo final en la general de División Crucero/Regata DOS.  Cuarto fue el «CORMORÁN» a cinco minutos y como a su vez fue segundo en su división particular, consiguió la general de Crucero Regata UNO por los pelos y empatado a puntos con el SAIL WAY, pero los parciales de todas las etapas fueron decisivos.  A más de 6 minutos entró el que ha sido la sorpresa de este Trofeo, el veterano «ALTAMAR DIEZ», seguido del «UNUS» treinta segundos después. En séptima posición quedó el «MENUDETA» y octavo a casi 11 minutos el portugués «QUEBRAMAR FIFTY» al cual con poco viento le cuesta mucho defender su hándicap.  Noveno quedó el boucense «BALTEA» y décimo ya a más de 13 minutos, el cangués «BALEA DOUS».
Tras la suma de puntos de las distintas etapas, las clasificaciones generales finales quedaron así:
División Regata, vencedor AS LAXAS (First 44.7 – Jorge y Luis Pérez Canal – RCN Vigo) con 4 puntos, seguido del STARFIGTHER (First 40.7 – Julio Rodríguez – RCN Vigo) con 20 puntos, y  QUEBRAMAR FIFTY (First 50 – Rui Ramada – YC Porto) con 21 puntos.
División Crucero/Regata One, vencedor el  CORMORÁN 05 (First 36.7 – Santiago Glez Llanos – RCN Vigo) con 8 puntos, seguido del SAILWAY (Elan 37 – Ramón Ojea – CM Canido) con 8 puntos también, y tercero el  ALTAMAR DIEZ (JOD 35 – Juan Glez Crespán – RCN Vigo) con 11 puntos.
En la Crucero/Regata Dos, muy numerosa por cierto, resultó vencedor el  ARROUTADO II (Fortuna 9 – Rodolfo Rodríguez - LM Bouzas) con 4 puntos, seguido del UNUS (X 332 – Luis García – RCN Vigo) con 10 puntos y  tercero el BALEA DOUS (Sun Fast 32 - Luis Pérez - CN Rodeira) con 24 puntos.
Y por último, la División Crucero fue ganada por el DEEP BLUE (Yatlant 24 – Vicente Cid – RCN Vigo) con 6 puntos, seguido del »PITOUCHO» (Yatlant 24 – José Ruiz – LM Bouzas) con 24 puntos, siendo tercero el GOLFO (Furia 28 – Pascual Martín – LM Bouzas) con 26.
 La entrega de premios tuvo lugar el viernes día 22 a lo largo de una macro fiesta de la vela de los clubes de la Ría de Vigo que se organizó por la noche en el Náutico de Vigo.